सेतो खबर
काठमाडौं, १४ चैत । एमाले अध्यक्ष केपी शर्मा ओलीले मधेसमा पार्टीलाई पहिलो शक्तिका रूपमा ल्याउने अभियानमा जुट्न नेता तथा कार्यकर्तालाई निर्देशन दिएका छन् । मनोनीत केन्द्रीय सदस्य र वैकल्पिक केन्द्रीय सदस्यहरूलाई आइतबार पार्टी कार्यालय धुम्बाराहीमा शथप ग्रहण गराउँदै ओलीले यस्तो निर्देशन दिएका हुन् । राजधानी दैनिकमा खबर छ ।
पार्टी र राष्ट्रको शिरमाथि उठाउन आ–आफ्नो कार्यक्षेत्रमा सक्रियताका साथ लाग्न निर्देशन दिँदै ओलीले आउने तीनै तहको निर्वाचनमाएमालेलाई मधेसको पहिलो शक्तिको रूपमा ल्याउनुपर्ने बताए । ‘एमालेविरुद्ध सबै एकजुट भएका छन्, एमालेलाई कमजोर बनाउन सक्रिय ती शक्तिलाई पराजित गर्नुपर्छ,’ अध्यक्ष ओलीले भने, ‘आउने निर्वाचनमा एमालेलाई मधेसको पहिलो शक्ति बनाउन तपाईंहरू आ–आफ्नो कार्यक्षेत्रमा लाग्नुस्, पार्टी र राष्ट्रको शिर उच्च बनाउनुस् ।’ मेची–महाकाली राष्ट्रिय अभियानको थाल्नु एक दिनअघि २० फागुनमा बसेको स्थायी समिति बैठकले मधेस तथा थारू समुदायका २१ नेतालाई केन्द्रीय सदस्यमा मनोनीत गरेको थियो । पूर्ण केन्द्रीय सदस्यमा मनोनीत हुनेमा धर्मनाथ साह, रघुवीर महासेठ, रामचन्द्र यादव, गंगा यादव, धर्मनाथ यादव, रामचन्द्र साह तेली, रामदयाल मण्डल, रत्नेश्वर गोइत, लालबाबु यादव, रवीन्द्र बैठा, यदुवंश झा र हरिनारायण मण्डल छन् । त्यस्तै, वैकल्पिक केन्द्रीय सदस्यमा नारदमुनि राना, जुली महतो, मञ्जु चौधरी, शान्ता चौधरी, हरि राजवंशी, सरला यादव, सुधीर साह, सरोज यादव र मोहम्मद हारुन रहेको एमाले प्रचार विभाग सचिव विष्णु रिजालले बताए ।
३१ वैशाखमा स्थानीय तहको निर्वाचन हुने भएकाले पार्टीले गाउँपालिका र नगरपालिकाको उम्मेदवार छनोट गर्न मापदण्ड तोकिसकेको छ । स्थानीय तहको निर्वाचन जित्नका लागि पार्टीले विभिन्न कार्यक्रम बनाउँदै योजनाबद्धतरिकाले अगाडि बढिरहेको एमालेका नेताहरूले बताएका छन् । एमालेले स्थानीय निर्वाचनलाई लक्षित गर्दै पार्टीका नेता र कार्यकर्तालाई चुनावकेन्द्रित जिम्मेवारी दिने तयारी गरेको छ । केन्द्रदेखि तल्लो तहसम्मका नेता कार्यकर्तालाई स्पष्ट चुनावी जिम्मेवारी दिनुपर्ने गरी स्थायी समिति बैठकले गृहकार्य थालेको छ । बर्दिबासमा प्रदेशस्तरीय कार्यकर्ता भेला यसैबीच, एमालेले महोत्तरीको बर्दिबासमा प्रदेश–२ को कार्यकर्ता भेला गर्ने भएको छ । आइतबार बसेका स्थायी समिति बैठकले १६ र १७ चैतमा भेला गर्ने निर्णय गरेको हो । भेलामा पार्टी अध्यक्ष केपी शर्मा ओलीसहित वरिष्ठ नेताहरू सहभागि हुनेछन् । त्यस्तै बैठकले पर्सा जिल्ला कमिटीको अधिवेशन गर्नका लागि प्रभु हजरा संयोजक र डा. विश्वम्भर शर्मा सहसंयोजक रहने गरी जिम्मेवारी तोकेको छ ।
यसअघि एमाले पर्सा जिल्ला कमिटीको संयोजकमा चिरञ्जीवी आचार्य रहेका थिए । यस्तै, पर्सा जिल्लाको इन्चार्ज रहेका केन्द्रीय सदस्य दिनेश राईलाई बारा जिल्लाको सहइन्चार्ज, रामचन्द्र साहलाई पर्साको इन्चार्ज र प्रह्लाद गिरीलाई सहइन्चार्जको जिम्मेवारी तोकेको स्थायी समिति सदस्य शंकर पोखरेलले जानकारी दिए ।
भोलि मे १२ तारिख नेपाल र चीनबीच बीआरआईको साझेदारीपत्रमा हस्ताक्षर भएको पाँच वर्ष पुग्दैछ। सन् २०१७ को मे १२ मा यो साझेदारीपत्रमा हस्ताक्षर भए यताका पाँच वर्षमा चीनका... विस्तृतमा
