सेतो खबरद्वारा प्रकाशित गरिएको हो |
४ चैत, रौतहट । मधेसी मोर्चाले स्थानीय तहअन्तर्गतको नगरपालिका र गाउँपालिकाको कार्यालय स्थापना गर्न नदिने चेतावनी दिएको छ । उसले स्थानीय तहको निर्वाचन पनि हुन नदिने घोषणा गरेको छ ।सरकारको समर्थन फिर्ता लिएको मोर्चाले हालै सरकारविरुद्ध ‘असहयोग आन्दोलन’ गर्ने घोषणा गरेको छ ।मोर्चाका नेता एवम् सदभावना अध्यक्ष राजेन्द्र महतोले मधेसमा गाउँपालिका कार्यालय स्थापना गर्नै नदिने बताए ।
‘मधेसमा कुनै पनि हालतमा स्थानीय तहअन्तर्गतको गाउँ पालिकाको कार्यालय स्थापना एवं सञ्चालन हुनै दिँदैनौं,’ शुक्रबार रौतहटको गौरमा प्रेस मञ्चले आयोजना गरेको पत्रकार सम्मेलनमा महतोले भने ।५१ प्रतिशत जनसंख्या रहेको मधेसमा २५ प्रतिशतमात्र गाउँपालिका र नगरपालिका दिएर सरकारले वर्षौं वर्षको विभेदलाई निरन्तरता दिएको महतोको भनाइ छ ।सरकारले स्थानिय तहको निर्वाचनको तयारी गरिरहँदा महतोले भने देशमा कुनै पनि निर्वाचन हुन नसक्ने दाबीसमेत गरे । संविधान संशोधन नगरिएकाले मधेसी जनताको अधिकार सुनिश्चित नभएको भन्दै उनले यथास्थितिमा कुनैपनि निर्वाचन हुन नदिने बताए ।
‘मधेसी मोर्चासँग भएको लिखित सहमति कार्यान्वयन नगरे स्थानीय तह वा कुनै पनि निर्वाचन हुन दिँदैनौं,’ महतोले भने ।सरकारले मधेसी जनताको मागलाई सम्बोधन नगरेर जबरजस्ती अघि बढ्न खोजिरहेकाले आफूहरुले सरकारलाई दिएको समर्थन फिर्ता लिएर असहयोग आन्दोलन शुरु गरेको महतोले बताए । अबको आन्दोलनले सर्वसाधारण जनतालाईभन्दा सरकारलाई प्रभाव पार्ने नेता महतोको भनाइ छ ।
मधेसी मोर्चाको सहमतिमा प्रधानमन्त्री बनेका प्रचण्डले मोर्चासँग सल्लाह नै नगरी निर्वाचनको मिति घोषणा गरेर मधेसी जनतालाई ठूलो धोखा दिएको आरोपसमेत उनले लगाए ।अर्को प्रसंगमा महतोले सप्तरीमा पाँचजनाको ज्यान जाने गरी भएको गोलीकाण्डको सम्पूर्ण जिम्मेवारी एमालेले लिनुपर्ने बताए । मधेस र मधेसी जनतालाई अपमान हुने गरी कटु शब्दहरु प्रयोग गर्ने एमाले नेताको बानी कै कारण मधेसी जनता रुष्ट भएको र एमालेप्रति जनताको आक्रोश झनै बढेको उनले तर्क गरे ।आफूहरु निर्वाचनको विरोधी नरहेको र मधेसी जनतालाई लोकतन्त्रको पाठ सिकाउन नपर्ने भन्दै अध्यक्ष महतोले मधेसी जस्तो राष्ट्रभक्त अरु कोही नभएको बताए ।
काठमाडौँ, २९ फागुन । तीन वर्षअघि नवलपरासीको सुस्ता गाउँपालिका-५, रतनगञ्जका ६५ वर्षीय रामशुभग मुसहर मिटरब्याजी साहुबाट आफूहरूमाथि अन्याय भएको गुनासो लिएर पहिलो पटक... विस्तृतमा