आजबाट स्ट्याण्डर्ड चार्टर्डको एफपिओ खुल्यो, यि बैंकहरुमा गएर भर्न सकिने

काठमाडौँ । स्टान्डर्ड चार्टर्ड बैंकले मंगलबारबाट एफपिओ निष्काशन गरेको छ। बैंकले १०० रुपैयाँ अंकित दरमा ११ सय ९० रुपैयाँ प्रिमियम थपेर शेयर निष्काशन गरेको हो।

बैंकले कुल २५ लाख ५८ हजार १४० कित्ता एफपिओ निष्काशन गरेको हो । कम्तिमा १० कित्ता र बढीमा २५ हजार ५८० कित्तासम्म आवेदन दिन पाइन्छ।

ईक्रा नेपालको रेटिंङमा बैंकले टु प्लस पाएको छ । यस्तो रेटिंङले बैंकको शेयर औसतभन्दा राम्रो देखाएको छ। बैंकको अहिले तीन अर्ब ७४ करोड रुपैयाँ पूँजी छ। एफपिओबाट आउने साढे २५ करोड रुपैयाँ थपिँदा चुक्ता पूँजी करिव चार अर्ब पुग्छ। प्रिमियम बापत उठ्ने बाँकी तीन अर्ब चार करोड रुपैयाँ जगेडा कोषमा जाने छ।

वाणिज्य बैंकहरुले आगामी असार मसान्तभित्र चुक्ता पूँजी ८ अर्ब रुपैयाँ पुर्याउनु पर्छ। चार्टर्डले आफ्नो पूँजी बृद्धि योजनामा असार मसान्तभित्र ८ अर्ब ५ करोड रुपैयाँ पुर्याउने योजना राष्ट्र बैंकमा वुझाएको छ।

बोनस शेयर र एफपिओबाट चार अर्ब पूँजी पुगेपछि चार्टर्डलाई राष्ट्र बैंकले व्यवस्था गरे अनुसार आठ अर्ब पुर्याउन थप चार अर्ब आवश्यक पर्छ। बैंकले पुस मसान्तसम्म ७४ करोड खुद मुनाफा आर्जन गरेको छ ।

तलका निम्नलिखित बैकहरुवाट भर्न सकिने 

१.एनएमबी क्यापिटल लिमीटे, नागपोखरी काठमाण्डौ ।
२.स्ट्याण्डर्ड चार्टर्ड बैंक नेपाल, शाखा कार्यालय बानेश्वर र लाजिम्पाट ।
३.आस्वा सदस्य बैंक तथा बित्तीय संस्था र तिनका शाखा कार्यालयहरु ।
४.एनएमबी बैंकका देशभरका शाखा कार्यालयहरु ।
५.प्रभूू क्यापिटल लिमीटेड, कमलादि काठमाण्डौ ।
६.काठमाण्डौ क्यापिटल मार्केट लिमीटेड, कमलादि काठमाण्डौ ।
७.लक्ष्मी क्यापिटल मार्केट लिमीटेड, नयाँबानेश्वर काठमाण्डौ ।
८.सिबिआइएल क्यापिटल लिमीटेड, डिल्लीबजार काठमाण्डौ ।
९.भिबोर क्यापिटल लिमीटेड, कृष्णगल्ली ललितपुर ।
१०.ग्लोबल आइएमई क्यापिटल लिमीटेड, जमल काठमाण्डौ ।
११.एस क्यापिटल लिमीटेड, लालदरबार काठमाण्डौ ।
१२.सिभिल क्यापिटल मार्केट लिमीटेड, कमलादि ।
१३.एनआइबिएल क्यापिटल मार्केट लिमीटेड, लाजिम्पाट ।
१४.कृति क्यापिटल एण्ड इन्भेष्टमेन्ट लिमीटेड, बाघदरबार, काठमाण्डौ ।
१५.नेपाल एसबीआई मर्चेन्ट बैकिंग लिमीटेड, हात्तीसार काठमाण्डौ ।
१६.एनसिएम मर्चेन्ट बैकिंग लिमीटेड, कमलपोखरी, काठमाण्डौ ।
१७.गुडविल फाइनान्स लिमीटेडका देशभरका शाखा कार्यालयहरु ।
१८.सेन्टल फाइनान्स लिमीटेड, कुपण्डोल तथा सबै शाखा कार्यालयहरु ।
१९.सगरमाथा फाइनान्स लिमीटेड, मानभवन, ललितपुर ।
२०.गोर्खाज् फाइनान्स लिमीटेड डिल्लीबजार, तथा देशभरका शाखा कार्यालयहरु ।
२१.आइसीएफसी फाइनान्स लिमीटेड, भाटभटेनी काठमाण्डौ तथा सबै शाखा कार्यालयहरु ।
२२.लुम्बिनी फाइनान्स एण्ड लिजिंग कम्पनी लिमीटेड ठमेल तथा सबै शाखा कार्यालयहरु।
२३.भार्गव विकास बैंक, सुर्खेत रोड नेपालगञ्ज ।
२४.सप्तकोशी डेभलपमेन्ट बैंक लिमीटेड विराटनगर, तथा शाखा कार्यालयहरु इलाम र फिदिम ।