भर्खरै

निर्मला हत्या प्रकरण​ : बुवाआमाको स्वास्थ्य अवस्था बिग्रँदै, अझै दोषी पत्ता लागेन​


 November 15, 2018     सेतो खबर

कन्चनपुर, कात्तिक २९। कञ्चनपुर भीमदत्त नगरपालिका–२ खोल्टीकी १३ वर्षीया बालिका निर्मला पन्त हत्याकान्डको दोषी पत्ता लगाउन माग गर्दै गत आइतबारदेखि अनिश्चितकालीन धर्नामा बसेका निर्मलाका बुवाआमाको स्वास्थ्य अवस्था बिग्रँदै गएको छ ।

कन्चनपुर जिल्ला प्रशासन कार्यालयअगाडि धर्नामा बसेका उनीहरुमा चिसोका कारण रुघाखोकी तथा ज्वरो आउनेजस्ता समस्या देखिएको छ।कमजोरीका कारण निर्मलाका बुवाको स्वास्थ्य अवस्था एकदमै बिग्रिएको महाकाली अञ्चल अस्पतालका चिकित्सकले जनाएको छ ।

निर्मला हत्याकान्डको छानबिनका लागि विभिन्न समिति गठन गरिएपनि दोषी पत्ता लागेको छैन । हत्याकान्डको छानबिनमा लापरबाही गरेको भन्दै कन्चनपुरका तत्कालीन उपरीक्षक डिल्लीराज विष्ट र प्रहरी निरीक्षक जगदीशप्रसाद भट्टलाई सेवाबाट बर्खास्त गरिएको छ । अरु ६ जना प्रहरी निलम्बनमा परेका छन् ।

गत साउन १० गते साथीको घर पढ्न गएकी भीमदत्त नगरपालिका–२, खोल्टीकी निर्मला दोस्रो दिन स्थानीय उखुबारीमा मृत अवस्थामा भेटिएकी थिइन् ।

LIC
LIC



Ime Inside