भर्खरै

एन्फाद्धारा साफ यु–१८ महिला फुटबलमा उप–विजेता बनेको नेपाली टिमलाई जनही ५० हजार दिने घोषणा


 October 9, 2018     सेतो खबर

काठमाण्डौ, असोज २३ । अखिल नेपाल फुटबल संघ (एन्फा) ले साफ अन्डर १८ महिला च्याम्पियनशिपमा उप–विजेता बनेको नेपाली टिमलाई जनही ५० हजार दिने घोषणा गरेको छ ।
मंगलबार एन्फाका अध्यक्ष कर्मा छिरिङ शेर्पाको अध्यक्षतामा बसेको बैठकले हालै भुटानमा सञ्चालन भएको साफ अन्डर १८ महिला टोलीलाई उक्त रकम दिने निर्णय गरेको हो ।

आइतबार फाइनलमा बंगलादेशसंग १–० ले पराजित भएको नेपाल भारतलाई पेनाल्टी सुटआउटमा ३–१ ले पराजित गर्दे फाइनलमा प्रवेश गरेको थियो ।

एन्फाले गभर्नर गोल्कप, सिक्किम भारतमा कार्तिक ६–१७ सम्म हुने खेलमा ए.पी.एफ र मनाङ मस्याङ्दी क्लबलाई सहभागी गराउने निर्णय समेत गरेको छ ।

एन्फाले हरी रायमाझीको संयोजकत्वमा ३ महिनाको लागी पेश्की फटौट समिति समेत गठन गरेको छ । समितिमा रविन्द्र जोशी र एक जना संयोजकले मनोनित गर्ने सिए रहनेछन् ।

समितिले पेश्कि देखिएका ब्यक्ति तथा संघसंस्थालाई ३५ दिनभित्र पेश्की पछ्यौटको लागी पत्राचार गर्नेछ ।

LIC
LIC



Ime Inside