भर्खरै

पैसा कम भयो भन्दै युनाईटेड छोडेर बार्सिलोना जादै पोग्बा


 August 9, 2018     सेतो खबर

फ्रान्सलाई दोस्रो पटक विश्वकप जिताउन अहम भुमिका खेलेका युवा फुटबलर पाल पोग्बा म्यानचेष्टर युनाइटेडलाई छोडेर स्पेनीस क्लब बार्सिलोनाको हात थाम्न सक्ने भएका छन् । मिडिया रिपोर्ट अनुसार पोग्बाका म्यानेजर जोस मारिन्होसँग राम्रो सम्बन्ध बन्न नसक्दा उनी युनाइटेडसँगको नाता तोड्न चाहेको खबर वाहिरिएको छ ।

२५ बर्षिय पोग्बा पाँच बर्षको लागी १२.७२ अरब रुपैया (१०० मिलियन युरो) मा बार्सिलोनासँग करार गर्न सक्नेछन् । उनलाई एक हप्ताको ४.४० करोड दिइनेछ भने यो युनाइटेडले दिएको रकम भन्दा दुई गुणा बढि हो ।

पोग्बा दुई बर्ष पहिला जुवेंटसलाई छोडेर युनाइटेडमा आबद्ध भएका थिए । २०१६ मा युनाइटेडले उनलाई जुवेंटससँग ११ अरब रुपैयामा खरिद गरेको थियो । उनले युनाईटेडसँग २.२८ करोडको ठाउँमा ४.८ करोड रुपैया मागेका थिए तर क्लबले भने उक्त रकम दिन अस्विकार गर्यो । उनले चिल्लिका खेलाडी एलेक्सिस सांचेजको जती नै मागेका थिए, तर क्लबले रकम बढाउन नमान्दा क्लब छोड्ने मनस्थितिमा पोग्बा पुगेका हुन् ।

पोग्बाले म्यानचेष्टर युनाईटेडको लागी ८८ म्याचमा ५ गोल गरीसकेका छन् भने जुवेंटसको लागी १७८ प्रतिस्पर्धामा ३४ गोल गरेका थिए ।

LIC
LIC



Ime Inside