भर्खरै

अब वैदेशिक रोजगारीमा ठगिने युग समाप्त भयोः श्रममन्त्री विष्ट


 July 11, 2018     सेतो खबर

काठमाडौं, असार २७। श्रम, रोगजार सामाजिक सुरक्षा मन्त्री गोकर्ण विष्टले वैदेशिक रोजगारीका नाममा ठगी गर्ने व्यक्ति र संस्थाहरुविरुद्ध सरकारले थालेको कारवाही नरोकिने स्पष्ट पार्नु भएको छ । बैदेशिक रोजगार बाट फर्किएका युवाहरुको राष्ट्रिय भेलालाई सम्वोधन गर्दै मन्त्री विष्टले जस्तोसुकै चुनौती आए पनि ठगी गर्ने संस्थाहरुलाई कारवाही गर्न सरकार पछि नहट्ने स्पष्ट पार्नु भयो ।

अब वैदेशिक रोजागारीको सिलसिलामा नेपाली युवाहरुलाई ठग्ने युग समाप्त भएको दावी गर्दै ठगिरहित रोजगारीको प्रत्याभूति गर्न सरकार क्रियाशील रहेको मन्त्री विष्टको भनाइ थियो ।

मलेसिया सरकारसँग श्रम सम्झौताको विषयमा छलफल भइरहेको जानकारी दिँदै मन्त्री विष्टले सरकारले राम्रो काम गर्न खोज्दा केही शक्ति र व्यक्तिहरुलाई बेचैन भएको भन्दै त्यस्ता विरोधबाट सरकार विचलित नहुने प्रष्ट पार्नुभयो ।

नेपाली युवाहरुका लागि स्वदेशमै रोजगारी सिर्जना गर्न सरकारले काम गरिरहेको बताउँदै मन्त्री विष्टले विदेश जानुको साटो देशमै काम गर्ने वातावरण बनाउन सरकार लागिपरेको प्रष्ट पार्नु भयो ।

LIC
LIC
LIC



Ime Inside