भर्खरै

टोनी कू्रसको “विनर गोल” ले जर्मनीले स्वीडेनलाई २–१ हरायो, जर्मनीको अन्तिम १६ मा पुग्ने आशा पलायो


 June 24, 2018     सेतो खबर

फिफा विश्वकप २०१८ मा शनिवार खेलिएको तेस्रो प्रतिस्पर्धामा विश्वकपको दावेदार मानिएको २०१४ विश्वकपको च्याम्पियन जर्मनील स्वीडेनमाथि २–१ को संघर्षपुर्ण जित हासिल गरेको छ ।
यो जितसँगै जर्मनी अन्तिम १६ मा प्रवेश गर्ने केही आशा पलाएको छ । फिफा विश्वकपमा चार पटक च्याम्पियन बनिसकेको जर्मनीको तर्फबाट मार्को रेयुसले ४८ औ मिनेटमा र टोनी क्रुस ले ९०+४ः४२ मिनेटमा निर्णायक गोल गरे भने स्विडेनको लागी एकमात्र गोल ओला टोइवोनेनले ३२ औ मिनेटमा गरे ।

पहिलो हाफको ३० मिनेटसम्म जर्मनी स्विडेनमाथि हावी भयो तर यसपछि तुरुन्त ३२ औ मिनेटमा स्वीडेनको तर्फबाट ओला टाइवोनेनले गोल गर्दे स्विडेनलाई १–० को अग्रता दिलाए । पहिलो हाफमा १–० को पछि परेको जर्मनी दोस्रो हाफ शुरु भएको ३ मिनेटमै मार्को रेयुसको शानदार गोलको मद्यतले १–१ को बराबरीमा पुर्याए ।

दोस्रो हाफको खेल सकिएसँगै थपिएको ५ मिनेटको इन्जुरी समयको अन्तिम मिनेटमा फ्रि किक मार्फत शानदार गोल गर्दे जर्मनीले स्मरणिय जित दिलाए ।

समग्र खेलमा गत सिजनको च्याम्पियन जर्मनीलाई ८ कर्नर र १० फाउल पायो भने स्विडेनले ३ कर्नर र ११ फाउल पाए ।

८० बर्षपछि पहिलो पटक ग्रुप चरणबाट बाहिरिने खतरामा परेको जर्मनी १९३८ विश्वकप लाई छोडेर कहिलेपनि ग्रुप चरणबाट बाहिरिएको थिएन । यदि स्विडेनसँग हारेको भए जर्मनीको विदाई निश्चित थियो भने जितसँग अगिल्लो चरणमा पुग्ने आशा केही पलाएको छ ।

LIC
LIC



Ime Inside