भर्खरै

नियमित ओरालो लाग्दै आएको शेयर बजार आज झन १०.२८ अंकले घट्यो


 May 14, 2018     सेतो खबर

काठमाडौँ, बैशाख ३१ । नियमित ओरालो लाग्दै आएको शेयर बजार सोमबार पनि १०.२८ अंकले घटेर एक हजार ३३८ बिन्दुमा झरेको छ। नेपाल स्टक एक्सचेञ्जका अनुसार नेप्से परिसूचक आज पनि दोहोरो अंकले घटेको हो।वैशाख महिनाभर बजारमा १०० अंकको गिरावट भएको छ।

‘क’ वर्गका कम्पनीको शेयर कारोबारको मापन गर्ने सेन्सेटिभ परिसूचकसमेत २.४१ बिन्दुले घटेर २८२.१८ बिन्दुमा पुगेको हो। आज कूल १६३ कम्पनीको १० लाख सात हजार ७६४ कित्ता शेयर ४२ करोड ५१ लाख ९४ हजार २९९ मूल्यमा खरीद बिक्री भएको छ।

तीन उपसमूहको शेयरको मूल्य भने बढेको छ। त्यसमा उत्पादन २५.६१, अन्य ३.६३ र होटल समूह ८.६६ बिन्दुले बढेका छन्। यस्तै, बैंकिङ १०.०४, व्यापार २.६२, विकास बैंक २६.९१, जलविद्युत् १५.५, फाइनान्स ७.४३, बीमा ६९.९६ र माइक्रोफाइनान्स २२.५९ बिन्दुले ओरालो लागेको छ।रासस

ctzn
LIC

LIC


Ime Inside