चुनाव अपडेट

कान्छी’ को “चरी चट्ट परी” गित नम्वर एक ट्रेन्डिङमा


 November 6, 2017     सेतो खबर

काठमाडौँ, कार्तिक २०। चलचित्र कान्छीको गीत “चरी चट्ट परी”  युट्युबको ट्रेन्डिङ नम्वर एकमा पर्न सफल भएको छ । ४ दिन अगाडि (नोभेम्वर २)  मात्र युट्युबबाट रिलिज गरिएको कान्छीको पहिलो गीत “चरी चट्ट परी” गीत नम्वर एकमा पर्न सफल भएको हो । यो गीत अहिलेसम्म लाई ९ लाख ८३ हजार बढीले हेरेका छन् ।

युट्युवमा मार्फत सार्वजनिक गरिएको उक्त चलचित्रको ‘चरी चट्ट परी’ बोलको गीतमा श्वेता र दयाहाङ राईको नृत्य देख्न सकिन्छ।

राजराजन सिवाकोटीको शब्द, सङ्गीत, स्वर रहेको गीतमा गायिका अञ्जु पन्तले साथ दिएकी छिन् । भिडियोको कोरियाग्राफी वसन्त श्रेष्ठले गरेका हुन् । आकाश अधिकारी निर्देशित चलचित्र “कान्छी”मा दया दयाहाङ राई र श्वेताको साथमा अनु शाह, प्रज्जल सुजल गिरी लगायतका कलाकारको अभिनय रहेको छ । चलचित्र ‘कान्छी’ माघ २६ गते अल नेपाल प्रदर्शन हुँदैछ ।

चलचित्रमा पुरुषोत्तम प्रधानको सिनेम्याटोग्राफी, शम्भुजित बास्कोटा, राजनराज सिवाकोटी र अर्जुन पोखरेलको संगीत छ । आकाश अधिकारी निर्देशित ‘कान्छी’मा श्वेता शीर्ष भूमिकामा प्रस्तुत भएकी छिन् भने दयाहाङसँगै वरिष्ठ कलाकार नीर शाह तथा नायिका अनु शाह, प्रज्जवल सुजल गिरी, भूमिका श्रेष्ठ र आशान्त शर्मा लगायतको अभिनय रहेको छ ।

Ime Inside



Ime Inside