भर्खरै

वीपी प्रतिष्ठानका उपकुलपति प्रा.डा. राजकुमार रौनियार घूस सहित रंगेहात पक्राउ


 July 11, 2019     सेतो खबर

काठमाडौँ, असार २६ । धरानस्थिन बीपी कोइरला स्वास्थ्य विज्ञान प्रतिष्ठानका उपकुलपति प्रा.डा. राजकुमार रौनियार र डा. रामहरी रौनियार घूससहित रंगेहात पक्राउ परेका छन् । उनीहरुबाट अख्तियारको टोलीले ८ लाख घूस रकम लिइसकेको अवस्थामा पक्राउ गरेको हो ।

प्रतिष्ठानको भवन निर्माणको ठेक्काको कमिसन बापत घूस बुझ्ने क्रममा उनीहरुलाई अख्तियारले पक्राउ गरेको हो।

वी.पी. कोइराला स्वास्थ्य विज्ञान प्रतिष्ठान, धरानका उपकुलपति प्रा.डा. राजकुमार रौनियार र डा. रामहरी रौनियारले प्रतिष्ठानको भवन निर्माणको ठेक्कामा कमिशन वापत सेवाग्राहीसँग घुस/ रिसवत माग गरिरहेको भन्ने सूचना एवं उजुरीको आधारमा अख्तियार दुरुपयोग अनुसन्धान आयोग, टङ्गालबाट खटिई गएको टोलीले उनीहरुलाई उक्त घुस रकम सहित कार्यालय परिसर स्थित निज उपकुलपतिको निवास, धरानबाट रङ्गेहात नियन्त्रणमा लिएको हो ।

निजहरुको वारेमा आवश्यक अनुसन्धान भइरहेको आयोगका प्रवक्ता प्रदीपकुमार कोइरालाले जानकारी दिए ।

LIC
LIC



Ime Inside