भर्खरै

एसईईको नतिजा यहि साता भित्र


 June 23, 2019     सेतो खबर

काठमाण्डौँ, असार २ । राष्ट्रिय परीक्षा बोर्डले यस वर्षको माध्यामिक शिक्षा परीक्षा अर्थात् एसइई परीक्षाको परीक्षाफल यो साताभित्र सार्वजनिक गर्ने भएको छ।

गत वर्ष असार ९ गते नतिजा प्रकाशित भएकोमा यस वर्ष भने प्रदेश २ मा परीक्षा स्थगित गरी पुनः परीक्षा सञ्चालन गर्नुपरेको र कर्मचारी समायोजनका कारण कर्मचारीको अभाव भएकाले नतिजा प्रकाशनमा केही दिन ढिला हुने भएको बोर्डले जनाएको छ।

परीक्षा नियन्त्रण कार्यलयका नियन्त्रक विष्णु प्रसाद अधिकारीले सबै तयारी पुरा भैसकेको र डाटा इन्ट्रिको काम पनि लगभग सकिसकेकोले नतिजा यहि हप्ता आउने बताए ।

यस वर्ष गत चैत १० गतेबाट सुरु भएको एसइई परीक्षामा नियमिततर्फ ४ लाख ७५ हजार परीक्षार्थी सहभागी भएका छन्। बोर्डले छिटोमा असार १० गते ढिलोमा असार १४ गतेसम्म नतिजा सार्वजनिक गर्नेगरी काम गरिरहेको बताएको छ।

LIC
LIC



Ime Inside