भर्खरै

अष्ट्रेलिया टिमको लागी नराम्रो खबर, स्टार अलराउण्डर स्टोइनिस चोटका कारण टिमबाट बाहिरिए


 June 12, 2019     सेतो खबर

विश्वकप शुरु भएदेखी नै खेलाडीहरु चोटिल हुने सिलसिला जारी छ । लगभग हरेक टिमका उत्कृष्ट खेलाडी चोटिल हुदै विश्वकप बाट बाहिरिएका छन् ।

ताजा घटना अनुसार, अष्ट्रेलियाली टिमका दमदार अलराउण्डर मार्कस स्टोइनिस चोटको कारण विश्वकपबाट बाहिरिएका छन् । अष्ट्रेलिया बुधबार पाकिस्तानसँग विश्वकपको आफनो चौथो प्रतिस्पर्धामा उत्रदैछ तर त्यो भन्दा पहिला यो खबर उसको लागी चिन्ताजनक हो ।

वास्तवमा भारत विरुद्धको म्याचमा स्टोइनिसको मांसपेशि च्यातिएको थियो र त्यसपछि उनलाई स्वास्थ्य उपचारका लागी लगीयो ।

भारत विरुद्धको म्याचमा अष्ट्रेलियाली टिमले भारतको हातबाट ३६ रनले हारको सामना गर्नु परेको थियो । यही म्याचमा स्टोइनिसले ७ ओभरको बलीङमा ६२ रन दिदै कप्तान विराट कोहली र महेन्द्र सिंह धोनीको विकेट लिएका थिए । यद्यपी, ब्याटिङमा भने उनले कुनै पनि उत्कृष्टता देखाउन सकेनन् र शुन्यमा आउट भएका थिए ।

रिपोर्ट अनुसार, स्टोइनिसले पुरै टुर्नामेन्ट खेल्ने सम्भावना अहिलेसम्म यथावत नै छ । यही कारण अष्ट्रेलिया–ए को टिमबाट इङ्गल्याण्ड यात्रा को लागी गइरहेका अलराउण्डर मिशेल मार्शलाई स्टोइनिसको कभर को रुपमा बोलाइएको छ ।

शनिवार श्रीलंका विरुद्ध हुने प्रतिस्पर्धा भन्दा पहिला यि २९ बर्षिय स्टोइनिसको स्वास्थ्य परिक्षण हुनेछ, र त्यसपछि १५ सदस्यीय टिममा उनको विकल्पको स्थाई रुपमा समावेश गर्ने सन्दर्भमा निर्णय लिइनेछ ।

LIC
LIC



Ime Inside