भर्खरै

१३ हजारको लोभमा ढुंगाले हानेर विभत्स हत्या


 May 22, 2019     सेतो खबर

खस्यौली, जेठ ८ । रुपन्देहीको सैनामैना नगरपालिका–१० स्थित शीतलापुर जंगलमा एक युवकको हत्या गरेको आरोपमा चार युवा पक्राउ परेका छन् ।

उनीहरुलाई दुई दिनको अवधिमा आफ्नै घरबाट पक्राउ गरिएको इलाका प्रहरी कार्यालय बुटवलले बुधबार आयोजना गरेको पत्रकार सम्मेलनमा जानकारी दिएको छ ।

कपिलवस्तुको बाणगंगा नगरपालिका–६ बस्ने २७ वर्षीय चिरञ्जीवी आचार्यको सोमबार ढुंगाले हानेर विभत्स हत्या भएको थियो ।

पक्राउ परेका सबै कपिलवस्तुको बाणगंगा नगरपालिका–६ का हुन् । पक्राउ पर्नेमा ३३ वर्षीय रमेश विक, २८ वर्षीय गोपाल खनाल, २४ वर्षीय वसन्त खत्री र २० वर्षीय राजु विक रहेका छन् ।

पक्राउ परेकामध्ये रमेश विक हत्याको मुख्य योजनाकार रहेको इलाका प्रहरी कार्यालय बुटवलका प्रहरी नायव उपरीक्षक डिलबहादुर मल्लले जानकारी दिए ।

उनकाअनुसार हत्यापछि उनलाई उनकै मोटरसाइकलमा ल्याएर जंगलमा फ्याँकेका थिए ।

मादकपदार्थ सेवन गरी झगडा गरेका उनीहरुले आचार्यसँग भएको रु १३ हजारको लोभमा हत्या गरेको प्रहरी नायव उपरीक्षक मल्लले जानकारी दिए ।

हत्या गरेर जंगलमा फ्याँकिएका उनको सनाखत हुन पनि धेरै समय लागेको थियो । पक्राउ परेका सबैलाई कर्तव्य ज्यान मुद्दा चलाइने बताइएको छ ।

LIC
LIC



Ime Inside