भर्खरै

संविधानको मर्म र भावनाविपरीत ल्याइएको विधेयक फिर्ता लैजानुस्: कांग्रेस


 May 14, 2019     सेतो खबर

काठमाडौँ, बैशाख ३१ । मिडिया काउन्सिल विधेयक फिर्ता लिन प्रमुख प्रतिपक्षी दल नेपाली कांग्रेसले सरकारलाई आग्रह गरेका छन् ।

नेपाली कांग्रेस संसदीय दलका प्रमुख सचेतक बालकृष्ण खाँणले मंगलबार सदनमा बोल्दै संविधानको मर्म र भावनाविपरीत ल्याइएको विधेयक फिर्ता लिन माग गरेका छन् ।

खाँणले प्रश्न गरे ‘संविधानमा प्रेस स्वतन्त्रता सुनिश्चित छ। तर विधेयक बनाउँदा मौलिक अधिकार कुण्ठित गराउने कानुन ल्याउन खोज्ने ?

उनले गत बिहीबार सदनमा सरकारले दर्ता गरेको मिडिया काउन्सिल विधेयक सरकारले नै फिर्ता लिनुपर्ने बताएका थिए ।

उनले भने, ‘फर्काएर लैजानुस् विधेयक,’ । सरोकारवाला पक्षसँग छलफल र सहमति नगरी विधेयक सदनमा दर्ता गरेको भन्दै कांग्रेसले विधेयक फिर्ता लिन माग गरेका हुन ।

मिडिया काउन्सिल विधेयकले प्रेस तथा अभिव्यक्ति स्वतन्त्रता हनन् गर्ने भन्दै नेपाल पत्रकार महासंघ, नेपाल प्रेस युनियन पनि आन्दोलनमा रहेको छ ।

LIC
LIC



Ime Inside